Microsoft kompaniýasy Copilot+PC-lary üçin Windows 11-iň aprel täzelenmesini çykardy. Onda emeli aňly üç sany täze funksiýa peýda boldy.
Recall-yň esasy funksiýasy şifrlenen skrinşotlary wagtal-wagtal enjamyň ýerli ammarynda ýatda saklamak bilen, fon režiminde işleýär. Ulanyjylar maglumatlary açar sözler, seneler we programmalar arkaly gözläp bilerler, ulgam bolsa Windows Hello autentifikasiýasy we maglumatlaryň saklanyşyna gözegçilik ýaly, çeýe gizlinlik sazlamalaryny hödürleýär.
Täzelenen Windows Search gös-göni enjamyň neýroprosessorynda (NPU) işleýän ykjam dil modelini ulanýar. Bu faýllaryň takyk atlaryny ýatda saklamazdan, tebigy dili ulanyp, gözleg geçirmäge mümkinçilik berýär. Microsoft täze gözlegiň Windows 10-dan 70% çaltdygyny, ýöne 40-dan gowrak TOPS öndürijiligi bolan NPU-ny talap edýändigini aýtdy.
Click to Do funksiýasy teksti jemlemek, terjime etmek we şekilleri redaktirlemek ýaly kontekste baglylyk mümkinçilikleri hödürleýär. Häzirlikçe diňe Snapdragon prosessorlary bolan enjamlarda doly işleýär, AMD Ryzen AI 300 we Intel Core Ultra 200V goldawy biraz gijräk peýda bolar.
