Apple Tom Henksiň düşmeginde “Greýhaund” harby dramasynyň dowamyny çykarar

  • 28.04.2025 17:18
  • 3.6k+

Apple kompaniýasy Tom Henksiň düşmeginde Ikinji jahan urşy döwrüniň esminçisi (harby deňiz gämisi) hakdaky filmiň dowamy bolan “Greýhaund 2-niň” önümçiligine başlady diýip, Deadline neşiri habar berýär.

Oskar baýragyny alan aktýor ýene öz keşbine gaýdyp geler. Film 2026-njy ýylyň ýanwar aýynda Awstraliýada surata düşürilip başlanar.
Geljekki film gäminiň kapitany Ernest Krauzeniň başdan geçirmelerini dowam etdirer. Görnüşi ýaly, filmiň dowamy asyl nusgasyndan has uly bolar - baş gahrymanyň gämisi diňe bir Ýuwaş ummanynda däl, eýsem Normandiýanyň kenarlarynda-da söweşlere gatnaşar. Filme ýene-de Aaron Şnaýder režissýorlyk eder.
“Greýhaundyň” asyl nusgasy 2020-nji ýylda Apple TV+ onlaýn-kinoteatrda çykypdy we tankytçylaryň hem-de tomaşaçylaryň oňyn seslenmelerini alypdy.


şu gün 11:02
3.1k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

şu gün 09:20
1k+

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

şu gün 09:06
2.1k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

düýn 11:39
4.9k+

Variety ähli döwrüň iň gülkünç 100 komediýasyny saýlady

Variety žurnaly ähli döwrüň iň gowy 100 komediýasynyň reýtingini hödürledi. Žurnalistler sanaw düzülende filmiň klassyk bolmagyna täsir edýän faktorlary göz öňünde tutmaga çalyşdy, ýöne esasy görkeziji filmiň näderejede gülkünçdigi boldy...