Zacoe Performance atelýesi Ferrari SF90 Stradale üçin týuningiň täze iki sany görnüşini döretdi. Birinji toplum - gury uglerod süýüminden ýasalan karbon obwes. Ol korpusyň asylky suduryny we superkaryň firma owadanlygyny saklamak bilen bir hatarda, awtoulagyň agramyny ýeňledýär we aerodinamikany gowulandyrýar.
Munuň alternatiwasy F-35 söweşjeň uçarynyň äheňinde ýasalan "Lightning" toplumy boldy. Oňa giňeldilen ganatlar, howa akymy üçin ugrukdyryjyly öňdäki spoýler, gapdal ýubkalar we uglerod süýüminden ýasalan ýaýbaň arka ganat girýär.
Iki görnüş hem kuwwaty 1000 at güýjünden hem gowrak bolan gibrid güýç gurluşy bilen enjamlaşdyrylan SF90 Stradale we Spider modellerine laýyk gelýär.
Zacoe-nyň týuningi diňe bir awtoulagyňyzyň daşky görnüşini şahsylaşdyrmaga däl, eýsem aerodinamiki aýratynlyklaryny goşmaça güýçlendirmäge-de mümkinçilik berýär. Sport awtoulaglarynyň birmeňzeşleşýän şertlerinde SF90-nyň eýelerine tapawutlanmaga we öz aýratynlygyny nygtamaga mümkinçilik bar.
