Tesla mobil goşundysyna «Child Left Alone Detection» funksiýasyny goşdy. Bu funksiýa ulagda unudylan çagalary goramak üçin niýetlenendir. 4.44.0 täzelenmesi öňden bar bolan 4D radar we salonyň içindäki hereket duýujy enjamlar bilen bilelikde, howpsuzlygy ýokarlandyrmak üçin alnyp barylýan çäreleriň bir bölegi boldy. Bu barada «Teslarati» ýazýar.
Täze ulgam eger ulagyň içinde çaganyň bardygyny ýüze çykarsa, howa dolandyryş ulgamynyň uzakdan öçürilmegine ýol bermeýär. Şeýle-de bolsa, ulagyň içinde ýolagçylar bar wagty, mobil goşundy arkaly programma üpjünçiligini täzelemek mümkin däl. Bu çäreleriň maksady – ulagyň içinde amatly temperaturany saklamak we ulagyň içiniň gyzyp gitmeginiň öňüni almakdyr.
2024-nji ýylyň maglumatlaryna görä, dünýä boýunça her ýyl «onlarça» çaga ulagda galyp, heläkçilik bilen ýüzbe-ýüz bolýar. Tesla-nyň täze girizen mümkinçilikleri şeýle pajygaly wakalaryň öňüni almagy maksat edinýär we brendiň, aýratyn-da çagaly maşgalalar üçin niýetlenen ulaglarynyň howpsuzlygyna berýän aýratyn ünsüni görkezýär.
