Türkmen bedewiniň milli baýramy mynasybetli döredijilik işgärleriniň arasynda yglan edilen bäsleşigiň ýeňijileri yglan edildi. Aba Annaýew adyndaky Halkara atçylyk akademiýasynda olary sylaglamak dabarasy geçirildi diýip, TDH habar berýär.
Bäsleşigiň çäklerinde haly eserini döretmek, zergärçilik, surat we heýkel eserleri, neşir önümleri, fotosurat we teleoperatorçylyk işi ýaly ugurlar boýunça iň gowy işler saýlanyp alyndy.
“Bedew batly Watanym” atly haly eseri üçin
Ý.Gulow, Ahal welaýatynyň Gökdepe etrap häkimliginiň senagat, gurluşyk, arhitektura we ykdysadyýetiň beýleki pudaklary bölüminiň birinji derejeli hünärmeni;
“Altyn bezeg” atly at şaý-sep toplumy üçin
Ş.Orazberdiýew, Türkmenistanyň Döwlet çeperçilik akademiýasynyň amaly-haşam sungaty kafedrasynyň mugallymy;
“Behişdi bedewler” atly nakgaşlyk eseri üçin
J.Gurbanow, Türkmenistanyň Döwlet çeperçilik akademiýasynyň nakgaşçylyk kafedrasynyň 3-nji ýyl talyby;
“Şan-şöhrata beslenen türkmen bedewi” atly heýkel eseri üçin
G,Hanow, Türkmenistanyň Döwlet çeperçilik akademiýasynyň heýkeltaraşlyk kafedrasynyň 3-nji ýyl talyby;
“Şa serpaýly bedewli halylar” atly senenama neşir işi üçin
A.Gutlyýew, Türkmenistanyň Döwlet çeperçilik akademiýasynyň amaly-haşam sungaty kafedrasynyň 4-nji ýyl talyby;
“Owazasy dünýä dolan “Galkynyş” atly wideoşekili üçin
B.Garlyýew, Türkmenistanyň Telewideniýe, radiogepleşikler we kinematografiýa baradaky döwlet komitetiniň Halkara habarlar merkeziniň operatorlar bölüminiň bölüm müdiri.
Ýeňijilere Prezident Serdar Berdimuhamedowyň adyndan sowgatlar gowşuryldy.
