Halkara kosmos stansiýasy (HKS) öz işiniň töwekgelçilikli döwrüni başdan geçirýär. Howpsuzlyk boýunça konsultatiw toparynyň mejlisinde NASA-nyň hünärmenleri stansiýada jaýryklaryň peýda bolandygyny, howanyň syzýandygyny we ätiýaçlyk şaýlarynyň ýetmezçilik edýändigini aýtdy.
Stansiýany 2030-njy ýyla ulanylyşdan çykarmak meýilleşdirilýär, ýöne bu möhletiň golaýlamagy bilen töwekgelçilikler hem artýar. Russiýanyň “Ýyldyz” modulynda howanyň syzmagy ýüze çykaryldy, stansiýany gyssagly Ýere getirmek boýunça takyk meýilnama bolsa heniz taýýar däl.
Şeýle-de, stansiýa ýaşaýşy üpjün etmek üçin zerur bolan enjamlaryň ýetmezçiligi bilen ýüzbe-ýüz bolýar. Ýükleri ugratmagyň gijikdirilmegi bolsa bu ýagdaýy has ýitileşdirýär: mysal üçin, Sierra Space-iň Dream Chaser gämisiniň uçurylmagy tomsuň ahyryna süýşürildi, Cygnus NG-22 missiýasy bolsa ýatyryldy.
NASA we halkara hyzmatdaşlar meseläni çözmegiň usullaryny gözleýär, ýöne bu býujetiň çäklidigi we wagtyň azdygy sebäpli kynlaşýar. Bu meseleleriň ählisi stansiýanyň bolup biljek heläkçilikleriň öňünde gowşaklygyny ýokarlandyrýar.
