Ford 150%-e ýetýän ýokary gümrük nyrhlary sebäpli ABŞ-dan Hytaýa awtomobil ibermegini togtatdy.
Çäklendirme ýolsuz ýerden ýöreýän ulaglara, pikaplara we sportkarlara, şol sanda Miçiganda öndürilen F-150 Raptor, Mustang, Bronco modellerine we Kentukkiden Lincoln Navigator modeline degişli boldy.
Çözgüt ABŞ-nyň Prezidenti Donald Trampyň syýasatyna jogap hökmünde girizilen söwda çäklendirmeleri sebäpli kabul edildi. Bu çäreleriň awtoöndürijileriň we awtoulag şaýlary bilen üpjün edijileriň girdejilerini azaltmagyna garaşylýar.
Awtomobil eksportynyň togtadylandygyna garamazdan, Ford Hytaýa ABŞ-da öndürilen hereketlendirijileri we transmissiýalary ibermegini dowam etdirer. Hytaýda ýygnalýan Lincoln Nautilus modeliniň hem üpjünçiligi bes edilmez.
Belläp geçsek, Ford gümrük paçlaryndan o diýen uly zyýan çekmeýär, çünki kompaniýa ABŞ-da satylýan awtomobilleriň 80%-ini ýurduň içinde öndürýär. Ýöne dilerleriň içki hatlaryna görä, nyrhlar saklanan ýagdaýynda Ford täze awtomobilleriň bahasyny gymmatladyp biler.
