Wonna kommunasynda ýerleşýän Georges Blanc restorany üç Michelin ýyldyzynyň birini ýitirdi. Ol 1981-nji ýyldan bäri iň ýokary bahany saklaýardy. Bu maglumaty CNN-e Michelin Guide-iň we restoranyň wekilleri tassyklady.
Restoran 1872-nji ýylda La Mère Blanc ady bilen açyldy. Ol ilkinji ýyldyzyny 1929-njy ýylda, Michelin ýyldyz ulgamy girizilenden üç ýyldan soň aldy. 1931-nji ýylda restoran ikinji ýyldyzyna eýe boldy.
1968-nji ýyldan bäri ony maşgala däbini dowam etdirip, 25 ýaşynda ýolbaşçy bolan Žorž Blan dolandyrýar. Onuň ýolbaşçylygynda restoran üç ýyldyza ýetdi.
Michelin şeýle belleýär: “Biziň baha ölçeglerimiz eýýäm 125 ýyl bäri üýtgewsiz. Olar diňe tagamlara – önümleriň hiline, taýýarlanyş usulyna, tagam sazlaşygyna, aşpeziň özboluşlylygyna we nobatdaky barlaglarda hiliň durnuklylygyna degişlidir”.
Restoran Relais & Châteaux assosiasiýasynyň düzümine girýär. Ol bress towugyndan, deňiz leňňejinden taýýarlanýan tagamlary we süýjülikleri, şeýle-de 140 müň çüýşeden ybarat çakyr ýygyndysy bilen bellidir.
