Sony Pictures meşhur “28 gün soň” we “28 hepde soň” filmleriniň dowamy bolan “28 ýyl soň” (28 лет спустя) filminiň treýlerini çykardy. Filmiň premýerasy 20-nji iýuna meýilleşdirilýär.
Sýužet boýunça gahar wirusy ýaýranyndan bäri tas 30 ýyl geçdi. Dünýä henizem üzňelikde. Käbir adamlar wirus ýokuşanlaryň arasynda diri galmagy öwrendi. Şeýle toparlaryň biri hem materik bilen bent arkaly birleşen uly bolmadyk adada gizlenýär.
Sýužetiň gysgaça beýanyna görä: “Haçan-da toparyň agzalarynyň biri materigiň merkezine ugramak üçin adany terk edende, ol özi üçin diňe bir wirus ýokuşanlary däl, eýsem beýleki diri galanlary üýtgeden syrlaryň, täsinlikleriň we elhençlikleriň üstüni açýar”.
Filmiň režissýory ýene-de Denni Boýl boldy. Ssenarini Aleks Garlend ýazdy. Bu film bilen olar täze trilogiýany başlamagy meýilleşdirýär.
Filmde Aaron Teýlor-Jonson, Reýf Faýns, Jodi Komer we beýlekiler çykyş etdi. Şeýle-de, franşiza Killian Mýorfi gaýdyp geldi. Birinji bölümde ol komadan açylyp, wirusyň tutuş ýurda ýaýrandygyny bilen kurýeriň keşbini ýerine ýetiripdi.
Mundan öňki treýlerde tomaşaçylar Mýorfä meňzeş zombini gördüler. Ýöne filmi döredijiler munuň oldugy baradaky maglumaty ret etdi.
