Dalhauzi uniwersitetinden kanadaly alymlar towuklaryň wakgyldamasyny adam üçin düşnükli dile geçirýän Cluckify programmasyny döretdi.
iOS-da we Android-de elýeterli bolan programma towuklaryň näme “diýýändigine” düşünmek üçin, guşlaryň özüni alyp barşy we olaryň sesleri baradaky maglumatlary ulanýar. Cluckify kanagatly wakgyldyny, howsala signallaryny we beýleki sesleri tapawutlandyrýar.
Programmada 45 görnüşli towuk sesinden, şol sanda olaryň biri-biri gatnaşyk saklamak üçin ulanýan seslerinden we horaz gykylygyndan ybarat ýygyndy bar. Şeýle-de, ol tony, ritmi we beýleki ses aýratynlyklaryny öwrenýän spektrogramma bilen üpjün edildi. Ulanyjylar towuklaryň “diline” has gowy düşünip başlamak üçin, “Wakgyldamany bil” testini geçip biler.
“Cluckify fermerlere guşlaryň psihologik ýagdaýyna gözegçilik etmäge kömek edýär” – diýip, taslamanyň ýolbaşçysy, doktor Sureş Nitirajan aýdýar.
Programma Kanadanyň sanly tehnologiýalary maldarçylyga ornaşdyrmak boýunça maksatnamasynyň çäklerinde döredildi. Geljekde işläp düzüjiler sygyrlaryň, doňuzlaryň we beýleki oba hojalyk mallarynyň seslerini seljermek mümkinçiligini goşmagy meýilleşdirýär.
