Marvel Studios “Gök gürrüldedijiler” (Громовержцы / Thunderbolts) filminiň ahyrky treýlerini çykardy. Blokbasteriň premýerasy 2025-nji ýylyň 2-nji maýynda bolar.
Sýužetiň merkezinde Gyş esgerinden (Sebastian Sten), Ýelena Belowadan (Florens Pýu), Gyzyl Goragçydan (Dewid Harbor), Arwahdan (Hanna Jon-Keýmen), Taskmasterden (Olga Kurilenko) we Jon Uokerden (Uaýatt Rassel) ybarat anti-gahrymanlar topary çykyş edýär.
Geçmişde kynçylyklar bilen ýüzbe-ýüz bolan bu gahrymanlar howply missiýany ýerine ýetirmek üçin birleşýär. Olar diňe bir daşky howplar bilen göreşmän, eýsem şahsy syrlaryny we içki dawalary hem çözmeli bolýar.
Filmiň režissýory hökmünde “Kagyz şäherler” (Бумажные города) filmi we “Garpyşyk” (Грызня) serialy boýunça tanalýan Jeýk Şreýer çykyş etdi. Film üçin aýdym-sazy ozal “Hemme zat hemme ýerde we birbada” (Все везде и сразу) filmine saundtrek üçin “Oskar” baýragyna dalaşgär görkezilen Son Lux topary döretdi.
