OpenAI täze o3 we o4-mini emeli aň modelleriniň çykarylandygyny habar berdi.
o3 modeli işläp düzüjiler tarapyndan “pikir ýöretmäge ukyply bolan iň güýçli model” diýlip atlandyrylýar. o4-mini modeli öz ululygyna we bahasyna laýyklykda ykjam, tiz we netijelidir.
Modelleriň aýratynlygy olaryň pikir ýöretmek prosesinde suratlary ulanyp bilmegidir. Olar suratlara düşünip, elektron tagtalardaky mazmuny seljerip, şeýle-de suratlary ulaldyp, öwrüp we üýtgedip bilýär. Bu hem olary wizual maglumatlar bilen işlemek üçin peýdaly edýär.
Täze modeller ChatGPT-niň ähli funksiýalaryny, şol sanda web-gözlegi, maglumat seljermesini, şekilleri emele getirmegi we faýllary okamagy goldaýar. Bu mümkinçilikler eýýäm şu günden o3, o4-mini we o4-mini-high modellerini ulanýan ChatGPT Plus, Pro we Team nyrhnamalaryny ulanyjylar üçin elýeterlidir. o3-pro modeli üçin gurallar ýakyn hepdelerde peýda bolar.
Häzirki o1, o3-mini we o3-mini-high modelleri bu nyrhnamalaryň çäklerinde kem-kemden ulanylyşdan aýrylar.
Täze modeller duşenbe güni hödürlenen GPT-4o-nyň ornuny tutjak flagman GPT-4.1 EA modeliniň tanyşdyrylyşyndan soň anons edildi.
