Lexus awtoulag öndürijisi Hytaýyň Şanhaý şäheriniň Szinşan etrabyndan 1,13 million inedördül metr meýdan satyn alyp, Hytaýda dolulygyna özüne degişli ilkinji elektromobil zawodyny gurmak üçin 185 million dollar töledi. Ýer 50 ýyl kärendesine berildi, ol elektromobiller bilen akkumulýatorlaryň önümçiligi üçin peýdalanylar. Bu barada «CnEVPost» neşiri habar berýär.
Bu zawod Toyota-nyň Lexus brendini Hytaý bazarynda giňeltmek strategiýasynyň bir bölegi bolup durýar. Lexus-yň ilkinji elektrikli modeliniň önümçiligine 2027-nji ýylda başlanylar. Ilkinji tapgyrda zawod ýylda 100 müň awtoulag öndürer we takmynan, 1000 adam üçin täze iş ornuny döreder.
Lexus kompaniýasy Hytaýda Tesla-dan soň ýerli hyzmatdaşsyz öz awtoulag zawodyny açýan ikinji daşary ýurt brendi bolar. Bu karar kompaniýanyň ýerli bazardaky pozisiýasyny güýçlendirer we geljekde bäsdeşligiň emele gelmegine täsir eder.
