Ion deňzindäki Lefkas adasynda arheologlar uly gadymy grek teatrynyň harabalygyny tapdy. Desgada 24 oturgyç hatary bolup, ol 10 müň töweregi adama niýetlenipdir diýip, Gresiýanyň Medeniýet ministrligine salgylanyp, Herotage Daily habar berýär.
Lefkas b.e.öň VIII-VII asyrlarda möhüm medeni we söwda merkezi bolupdyr. Korinf adamlary ýerli obany gämi duralgalary we jemgyýetçilik binalary bolan şähere öwrüpdir. Teatryň gözlegine tas asyr sarp edildi. Diňe 1997-nji ýylda alymlar onuň galyndylarynyň zeýtun baglyklarynyň we häzirkizaman desgalarynyň aşagynda gizlenendigine subutnama tapdy.
Gazuw-agtaryş işleri 2015-nji ýylda arheolog Olimpiýa Wikatouwyň ýolbaşçylygynda başlady. Uly gerimli işler 2017-nji ýylda, baglyklar we binalar aýrylandan soň ýola goýuldy. Arheologlar diametri 16,65 metr bolan orkestr meýdançasyny, koridorlar ulgamyny we birnäçe daş tagtlaryny arassalady.
Bu ýerde uzak wagtlap geçirilen oba hojalyk işlerine garamazdan, teatryň aşaky gatlaklary gowy ýagdaýda saklanypdyr.
