BMW 2025-nji ýylyň birinji çärýeginde Mercedez-Benz-den öňe geçip, premium-awtomobilleri öndürijileriň arasynda öňdebaryjy boldy. Kompaniýa esasy brendi bilen 520 142 awtomobil satdy, bu bir ýyl ozalkydan 2% azdyr.
Deňeşdirmek üçin, Mercedez-Benz kompaniýasy Smart we Maybach modelleri bilen birlikde 446 300 awtomobil satyp, 4% pese gaçyşy hasaba aldy.
MINI we Rolls-Royce brendlerini hasaba alanyňda, BMW konserni 586 149 awtomobil satdy, bu hem geçen ýylky görkezijiden 1,4% azdyr. BMW bilen Mercedez-Benz-iň arasyndaky tapawut 2024-nji ýyldaky 131 671 awtomobilden 2025-nji ýylda 139 849 awtomobile çenli artdy.
Ýewropa BMW üçin esasy bazar boldy, bu ýerde satuw 6,2% ýokarlandy. Şol bir wagtyň özünde, Mercedez-Benz alyjylaryň 7%-ini ýitirdi. Hytaýda brendleriň ikisi-de kynçylyklar bilen ýüzbe-ýüz boldy: BMW-niň satuwy 17,2%, Mercedez-Benz-iň satuwy 10% pese gaçdy.
BMW üçin elektromobil ugry üstünlikli boldy. Kompaniýa 109 516 sany doly elekrik modeli satdy, bu bolsa geçen ýylkydan 32,4% köpdür. Olardan 86 449 – BMW, 22 813 – MINI we 254 – Rolls-Royce Spectre. Mercedez-Benz we Smart 40 700 elektromobil satdy, bu bir ýyl ozalkydan 14% azdyr. BMW-niň elektromobil satuwy bäsdeşiniň görkezijisinden iki esse köp boldy.
