Apple kompaniýasy ozal Siri üçin iň uly täzelenmäni indiki ýyl çykarjakdygyny aýdypdy. Emma indi bolsa şol täzelenmäniň şu ýylyň dowamynda çykjakdygy mälim edildi. Bu barada «The New York Times» neşiri habar berýär.
Personalized Siri güýz paslynda peýda bolar. Belki-de bu täzelenme iPhone 17 hatary bilen bilelikde hödürlenip, onuň satuwlaryny ýokarlandyrmaga kömek eder. Ýatlatsak, gürrüň GPT emeli aň modeli esasynda düýpli täzelenen sesli kömekçi barada gidýär.
Apple-yň näme sebäpden howlukýandygy düşnükli. Bäsdeş kompaniýalar emeli aň mümkinçiliklerine güýçli maýa goýýarlar, Apple bolsa köp funksiýalary öň yglan edenem bolsa, häzire çenli olaryň köpüsi halk köpçüligine ýetirilmedi.
Şeýle-de iOS 19-da hem uly täzelenmeler bolar. Personalized Siri-niň şu ýyl iOS 19 bilen bilelikde hödürlenmegi bu täzelenmäniň ähmiýetini has hem artdyrar.
