«Ýetginjeklik döwri» (Переходный возраст) mini-serialy Netflix-iň iň meşhur iňlis dilli seriallarynyň arasynda dördünji orna çykdy. 9-njy aprel ýagdaýyna görä, oňa 114,5 million gezek tomaşa edildi diýip, «Deadline» habar berýär.
Mysal üçin, «Monstr: Jeffri Dameriň hekaýaty» (Монстр: История Джеффри Дамера) atly seriala 115,6 million gezek tomaşa edilipdi. «Ýetginjeklik döwri» bu görkeziji boýunça tas Damer barada gürrüň berilýän seriala ýetdi we ähtimal ýakyn wagtda ondan hem öňe geçer.
«Ýetginjeklik döwri» serialynyň wakalary 13 ýaşly Jeými Milleriň tussag edilmeginden soň düýpgöter üýtgeýän maşgalanyň töwereginde bolup geçýär. Ol synpdaş gyzyny öldürmekde günäkärlenýär. Ýetginjek oglanjygyň ene-atasy agyr synag bilen ýüzbe-ýüz bolýar. Wakanyň asyl sebäbini anyklamak üçin işe aklawçy, psihologlar we beýleki hünärmenler goşulýar.
Serial diňe bir bu işiň hukuk we psihologik taraplaryny däl, eýsem jemgyýetiň we ýakynlarynyň şeýle agyr aýyplamany nähili kabul edýändigini hem görkezýär.
