Kia benzinli awtoulaglarda, gibridlerde we ýöreýiş ätiýaçlygy artdyrylan elektrik ulaglary (EREV) üçin generator hökmünde ulanyljak 300 at güýjünden gowrak kuwwatly 2,5 litrlik täze hereketlendirijiniň üstünde işleýär diýip, Motor1 habar berýär.
Göni geçirijili hereketlendirijiniň kuwwaty (2.5T-GDI) 12%, ýylylyk netijeliligi bolsa 5% ýokarlanar.
Gibridlerde hereketlendiriji has gowy dinamikany we elektrikli hereketlendiriji bilen içinden otlanýan hereketlendirijiniň arasynda rahat geçişi üpjün eder. EREV üçin Kia, Nissan E-Power-däki ýa-da Ram Ramcharger-däki ýaly, hereketlendirijiniň tekerlere bagly bolmazdan, batareýa zarýad berip biljek elektrik energiýasyny öndürjek ulgamyny döreder.
Bu işläp taýýarlama Kia-nyň 2030-njy ýyla çenli satuwy 4,19 milliona çenli artdyrmak baradaky meýilnamasynyň bir bölegidir. Kompaniýa 15 sany elektrik we 10 sany gibrid ulagyny öndürer hem-de önümçiligi 17 göterim artdyryp, 4,25 million awtoulaga ýetirer. 2030-njy ýyla çenli Kia 1,26 million elektrik ulagyny, 1,07 million gibrid ulagyny we 1,86 million benzinli ýa-da dizelli ulagy satmagy meýilleşdirýär.
