Saudi Aramco Saud Arabystanynyň Gündogar sebitinde we Rub-el-Hali çölünde nebitiň we gazyň sekiz ýatagynyň hem alty ýerasty gorunyň tapylandygyny habar berdi. Bu barada Saud Arabystanynyň energetika ministri, şazada Abdulaziz ben Salmana salgylanyp, SPA agentligi habar berýär.
Gündogar sebitde Arab Extra Light nebit görnüşiniň üç ýatagynyň üsti açyldy: Jabu, Sayahid we Ayfan. Şeýle-de, eýýäm belli bolan Berri we Mazalij ýataklarynda Jubaila we Unayzah-A nebit gorlary tapyldy.
Bu ýerde iki gaz ýatagy hem tapyldy – Ghizlan we Araam. Mundan başga-da, Mihwaz ýatagynda adaty bolmadyk Qusaiba gaz gory tapyldy.
Rub-el-Halide üç nebit ýatagy ýüze çykaryldy: Nuwayr, Damda we Qurqas. Guýulardan Arab Medium nebit görnüşi alynýar. Damda ýatagynyň gorlarynyň biri hem Arab Extra Light nebitini berdi.
Marzouq gaz ýatagynda üç gor ýüze çykaryldy: Upper Jubaila, Arab-C we Arab-D.
