Ýewropa ligasynyň we Konferensiýalar ligasynyň çärýek finalynyň birinji duşuşyklarynyň netijeleri

  • 11.04.2025 09:54
  • 6.1k+

Penşenbe güni agşam we anna gününe geçilýän gije UEFA-nyň Ýewropa ligasynda hem-de Konferensiýalar ligasynda – Ýewropanyň ikinji we üçünji derejeli klub ýaryşlarynda çärýek finalynyň ilkinji duşuşyklary geçirildi.

Ýewropa ligasynda dört oýnuň üçüsi deňme-deň gutardy. Diňe Norwegiýanyň "Budö-Glimt" topary garşydaşyndan üstün çykyp, jogap duşuşygyna artykmaçlyk bilen barýar – olar öz meýdanlarynda Italiýanyň "Lasiosyny" 2:0 hasaby bilen utdular.
"Lion" bilen "Mançester Ýunaýtediň" arasyndaky duşuşyk dartgynly boldy – toparlar duşuşygyň soňky pursatlarynda biri-birine gol geçirdiler we netije 2:2 boldy. "MÝ" 90+5-nji minutda gol geçirdip, ýeňşi elden gidirdi.
Şeýle-de, "Reýnjers" bilen "Atletik Bilbaonyň" arasyndaky oýun 0:0 hasaby bilen tamamlandy, "Tottenhem" bilen "Aýntarht" bolsa 1:1 oýnady.
Çärýek finalyň jogap duşuşyklary 17-nji aprelde, ýarym final duşuşyklary 1-nji we 8-nji maýda, final bolsa 21-nji maýda Ispaniýanyň Bilbao şäherinde geçiriler.

Ýewropa Ligasy – Çärýek final, ilkinji duşuşyklar (10-njy aprel)
Bodö-Glimt (Norwegiýa) – Lasio (Italiýa) – 2:0
Gollar: Saltnes, 47, 69

Lion (Fransiýa) – Mançester Ýunaýted (Angliýa) – 2:2
Gollar: Almada, 25, Şerki, 90+5 – Ýoro, 45+5, Zirkze, 88

Reýnjers (Şotlandiýa) – Atletik Bilbao (Ispaniýa) – 0:0
Gyzyl kart: Propper, 15 (Reýnjers)

Tottenhem (Angliýa) – Aýntarht (Germaniýa) – 1:1
Gollar: Porro, 26 – Ekitike, 6


Konferensiýalar ligasynda bolsa ýer eýeleri ýeňiş gazandy
Konferensiýa Ligasynda bolsa netijeler garaşylyşy ýaly boldy – ýeňşe ýakyn hasaplananlar ýeňiş gazandy.
"Çelsi" Polşada "Legiýany" 3:0 hasaby bilen ýeňdi. "Fiorentina" myhmançylykda "Selene" garşy 2:1 üstün çykdy. "Betis" öýünde "Ýagelloniýany" 2:0 ýeňdi, "Rapid" bolsa Şwesiýada "Ýurgordeni" 1:0 hasaby bilen ýeňdi.
Jogap duşuşyklary 17-nji aprelde, ýarym finallar 1-nji we 8-nji maýda, final bolsa 28-nji maýda Polşanyň Wroslaw şäherinde geçiriler.
Konferensiýa Ligasy – Çärýek final, ilkinji duşuşyklar (10-njy aprel)
Legiýa (Polşa) – Çelsi (Angliýa) – 0:3
Gollar: Jorj, 49, Madueke, 57, 74

Betis (Ispaniýa) – Ýagelloniýa (Polşa) – 2:0
Gollar: Bakambu, 24, Hesus Rodriges, 45+2

Çele (Sloweniýa) – Fiorentina (Italiýa) – 1:2
Gollar: Delorýe-Şobe, 68 (penalti) – Ranýeri, 27, Mandragora, 62 (penalti)

Ýurgorden (Şwesiýa) – Rapid (Awstriýa) – 0:1
Gol: Findell, 62 (öz derwezesine gol)


şu gün 00:42
90

«Arkadag» FK «Al-Arabini» jogap oýunda utup, AFK Çagyryş ligasynyň finalyna çykdy

16-njy aprelde AFK-nyň Çagyryş ligasynyň ýarymfinalynyň jogap duşuşygynda “Arkadag” futbol kluby öz meýdanynda Kuweýtiň "Al-Arabi" klubuny 3:0 hasabynda ýeňip, ýaryşyň finalyna çykmagy başardy. Birinji duşuşyk kuweýtli klubuň peýdasyna 2:0 hasabynda tamamlanypdy...

düýn 10:59
6.9k+

ÇL: «Borussiýa» we «Aston Willa» utdy, ýöne ýarym finala «Barselona» bilen «PSŽ» çykýar

15-nji aprelde “Borussiýa” “Barselonany” 3:1 hasabynda utdy, ýöne iki duşuşygyň jemi boýunça indiki tapgyra ispan topary geçdi. Barselonada geçen birinji oýunda kataloniýalylar 4:0 hasabynda utupdy. Jogap oýnunda...

15.04.2025 18:08
4.3k+

Luka Modriç Çempionşipden “Suonsi” klubunyň egindeş eýesi bolar - Fabrisio Romano

Madridiň “Realynyň” we Horwatiýanyň milli ýygyndysynyň oýunçysy Luka Modriç Angliýanyň Çempionşipinde çykyş edýän “Suonsi” futbol klubunyň uly bolmadyk paýynyň eýesi bolar. Bu barada žurnalist Fabrisio Romano X sosial...

13.04.2025 17:07
12k+

XXI asyryň iň gowy hüjümçileri atlandyryldy

Abraýly «Goal» sport portaly XXI asyryň iň gowy futbol hüjümçileriniň reýtingini düzdi. Ilkinji 10-luga Ýewropa klublarynyň iň täsirli hüjümçi üçlükleri girýär. Portala görä, müňýyllygyň başyndaky iň gowy hüjümçi...