Bridgestone ýapon kompaniýasy kiçi we orta ölçegli Aý rowerleriniň ýöreýiş ukybyny kämilleşdirmäge synanyşýar. Şu maksat bilen, olar ikinji nesil tekerleriň tutuşlygyna polatdan ýasalan iki täze görnüşini işläp taýýarladylar.
Adaty rezin tekerler Aýdaky şertler üçin ýaramly däl. Sebäbi rezin aşa sowuk we yssy temperaturalara garşy durnuksyz. Şeýle-de ol ultramelewşe şöhlelerine duýgur, üstesine-de aşa agyr we çeýeligi ýeterlik däl.
Täze döredilen teker metal protektordan we çeýe goldaw beriji içki gurluşdan ybaratdyr. Tekerleriň biri ýeňil rowerler üçin niýetlenen, onuň spisalary az. Ikinjisi bolsa, orta ölçegli enjamlar üçin işlenip düzülen, uzak wagtlap hyzmat etmäge ukyply we optimal agramy bilen tapawutlanýar.
Iki model hem Bridgestone tarapyndan 2024-nji ýylda görkezilen ikinji nesil tekeri ýada salýar. Şol wagt polat tor we çeýe karkas ulanylypdy. Ondan tapawutlylykda, birinji nesil teker doly ýapyk gurluşlydy.
Täze nusgalar 7-10-njy aprel aralygynda ABŞ-nyň Kolorado-Springs şäherinde geçirilýän 40-njy kosmos simpoziumynda görkeziler. Bridgestone bu çärä Japan Space Industry ekspozisiýasynyň düzüminde gatnaşar.
