Volvo Energy kompaniýasy akkumulýator batareýalaryna esaslanýan PU500 atly energiýa saklaýyş ulgamyny hödürledi. Bu barada «Electrek» neşiri habar berýär.
Bu çözgüt dürli şertlerde, aýratyn-da adaty elektrik torlarynyň elýeterli bolmadyk ýerlerinde ygtybarly elektrik çeşmesini üpjün etmek üçin niýetlenendir.
Volvo PU500 ulgamy, takmynan, 500 kWt·sag sygymly akkumulýator bilen enjamlaşdyrylandyr we bu sygymy 540 kWt·sag çenli ýokarlandyrmak mümkinçiligi bar. Bu ulgam gurluşyk meýdançalaryny, tebigy betbagtçylyklaryň zyýanlaryny aradan aýyrmak boýunça alnyp barylýan işleri, hatda saz festiwallary ýaly uly çäreleri elektrik togy bilen üpjün etmek üçin ýeterlikdir. Enjamyň esasy aýratynlygy, dürli tehnikalar – elektromobillerden agyr enjamlara çenli tehnikalar bilen utgaşykly, 240 kWt kuwwatly hemişelk toguň enjamyň içinde bolmagydyr.
Öndürijiler ulgamynyň köpugurlylygyna we tizligine aýratyn üns berdiler. PU500 agyr enjamlary, meselem elektrik ýük ulagyny ýa-da ýük göterijini iki sagatdan az wagtda zarýadlap biler. Akkumulýatoryň sygymy günde üç sany ýük ulagyny ýa-da 20 sany ýeňil elektrik awtoulagyny doly zarýadlamak üçin ýeterlikdir.
