Kolleksiýa edilýän awtoulaglaryň dünýäsinde käbir modelleriň bahasy görlüp-eşidilmedik derejä ýetýär. 32CARS-yň awtorlary auksionda rekord baha satylan 10 awtoulagyň sanawyny düzdüler. Bu awtoulaglar seýrekligi, taryhy we inženerçilik ussatlygy taýdan gymmatlanýar.
Auksionlarda satylan iň gymmat 10 awtoulagyň sanawy şu aşakdakylardan ybarat:
10. Ferrari 290 MM (1956) – 28 050 000 dollara satyldy. Bu awtoulag Mille Miglia ýaryşy üçin, hususanam, sürüji Huan Manuel Fanhio üçin döredildi.
9. Mersedes-Benz W196 (1954) - satylan bahasy: 29 600 000 dollar. Bu model 1950-nji ýyllarda Formula 1-de gazanan ýeňişleri bilen meşhur boldy.
8. Ferrari 412 P Berlinetta (1967) – 30 255 000 dollara satyldy. Diňe iki nusgasy öndürildi, ajaýyp dizaýny we seýrekligi üçin gymmatly.
7. Ferrari 335 S (1957) - bahasy 35 750 000 dollar. Kuwwatlydygy we 1950-nji ýyllarda abraýly ýaryşlara gatnaşanlygy bilen tanalýar.
6. Ferrari 250 LM (1964) – 36 344 960 dollara satyldy. Çydamlylyk boýunça ýaryşlarynda uly üstünlik gazanan seýrek model.
5. Ferrari 250 GTO (1962) - satylan bahasy: 38 115 000 dollar. Baý ýaryş taryhy bilen meşhur model. Brendiň iň meşhur modellerinden biri.
4. Ferrari 250 GTO (1962) – 48 405 000 dollara satyldy. Şol bir 250 GTO modeliniň ýene bir nusgasy.
3. Ferrari 330 LM / 250 GTO (1962) - bahasy 51 705 000 dollar. Iki sany Ferrari modeliniň özboluşly utgaşmasy.
2. Mersedes-Benz W196 R Stromlinienwagen (1954) – 53 917 370 dollara satyldy. Formula 1-de Huan Manuel Fanhio we Stirling Moss ýaly meşhur sürüjiler bilen çykyş etdi.
1. Mersedes-Benz 300 SLR Uhlenhaut Coupe (1955) - bahasy 143 000 000 dollar. Auksionda satylan iň gymmat awtoulag. Awtoulag Rudolf Ulenhaut tarapyndan döredildi.
