Microsoft “Başlat” (Start) menýusynyň täze dizaýnynyň üstünde işleýär. Ol indi iki bölegiň deregine bir bitewi ýokaryk-aşak geçirilýän sahypany hödürleýär. Onda berkidilen programmalar, ähli programmalaryň sanawy we teklipler ýerleşdirilen.
Täzelenme Dev we Beta synag wersiýalarynda göze ildi. Ony insaýder @phantomofearth tapdy. Sahypanyň ýokarsynda berkidilen programmalar we teklipler, aşagynda “Ähli programmalar” sanawy bolar. Täze dizaýn goşmaça sahypalaryň arasyndaky geçişi çalşyp, menýunyň ulanylmagyny has amatly eder.
Şeýle-de, ulanyjylar sazlamalaryň üsti bilen “Maslahat berilýänler” (Рекомендуемое) bölümini öçürip biler: “Sazlamalar” > “Şahsylaşdyrma” > “Başlat”. Ýöne bu “Ýolbeletde” (Проводник) soňky faýllaryň görkezilmegini hem aýrar.
Wizual taýdan stil öňküligine galdy, ýöne birneme beýik we giň boldy. Bu goşmaça menýulara bolan zerurlygy aradan aýryp, interfeýsi has ýönekeýleşdirýär.
Häzirlikçe täzelenmäniň Windows 11 ulanyjylary üçin haçan çykjakdygy belli däl. Onuň eýýäm synagdan geçirilýändigini göz öňünde tutsaň, ol şu ýyl ornaşdyrylyp bilner.
