Niderlandly dizaýner Dýuran Lantink abraýly International Woolmark Prize 2025 baýragyny aldy. Baýrak gowşurylyş dabarasy Milanda geçirildi diýip, baýragyň web sahypasynda habar berilýär.
Onuň dalaşgärligini Donatella Wersaçe, Ib Kamara, Alessandro Sartori, Alessandro Dell Akwa we Daniel Goldberg ýaly abraýly eminler goldady.
"Moda bolan söýgim çagalygymdan bäri gelýär, ejemiň otagyna girip, köýneklerini ogurlap, kesişdirip, täzeden tikerdim. Men forma, ussatlyga köp üns berýärin we dünýä täze pikirleri getirmäge çalyşýaryn” - diýip, Lantink baýragy alandan soň gürrüň berdi.
“Biz tutuksy dünýäde ýaşaýarys, Dýuran bolsa däp-dessura we futurizmiň anarhist duýgularyna hormat goýmak bilen, şeýle zerur gujury, degişme duýgusyny we optimizmi döredýär” diýip, emin agzalarynyň eden saýlawyna teswir berdi.
Ýeňiji 188 müň dollar möçberinde baýrak alar.
Baýraga Lantinkden başga-da Raul Lopes, Reýçel Skott, Maýkl Stýuart, Lui-Gabriel Noçi, Ester Manas, Baltazar Delepýer we Merill Rogge dagy dalaş etdi.
