1913-nji ýylda esaslandyrylany bäri, Aston Martin ilkinji gezek Beýik Britaniýanyň patyşalyk gerbini ulanmak hukugyna eýe boldy. Onuň Alyhezretiniň üpjün edijisi diýen dereje Karl III tarapyndan 2024-nji ýylyň maý aýynda berildi. Bu indi brendiň «ganatly» nyşany bilen bilelikde, Beýik Britaniýanyň täç nyşanyny resmi taýdan ulanyp biljekdigini aňladýar diýip, «Classic Driver» neşiri habar berýär.
Aston Martin kompaniýasynyň baş direktory Edrian Hollmark bu wakany «brendiň britan gelip çykyşlydygyny we inženerçilik sungatyna goşan goşandyny görkezýän hormat» diýip atlandyrdy. Kompaniýanyň patyşa maşgalasy bilen baglanyşygy hakykatdanam çuňňur: Edinburgyň gersogy Lagonda brendli awtoulagy 1954-nji ýylda satyn alypdy, Karl III bolsa köp wagtdan bäri DB6 Volante modeline eýeçilik edýär we 1973-nji ýyldan bäri, bu brendiň eýeler klubunyň agzasy bolup durýar.
Aston Martin patyşa maşgalasynyň agzalaryny dabaraly çärelere ençeme gezek ugratdy, şol sanda 2022-nji ýyldaky Arkalaşyk Oýunlarynyň (Commonwealth Games) açylyş dabarasynda hem. Patyşalyk nyşanynyň berilmegi uzak ýyllaryň dowamyndaky gatnaşyklarynyň nyşany we brendiň Beýik Britaniýanyň milli taryhyndaky ornunyň ykrar edilmegidir.
