5-nji aprelde «PSŽ» Fransiýanyň çempionatynyň 28-nji tapgyr duşuşygynda «Anženi» 1:0 hasaby bilen ýeňip, möhletinden öň Fransiýanyň çempiony boldy. "PSŽ" üçin bu eýýäm yzygider dördünji çempionlykdyr. Duşuşyk Pariždäki «Park de Prens» stadionynda geçirildi.
Duşuşykdaky ýeke-täk goly 55-nji minutda «PSŽ-niň» ýarymgoragçysy Dezire Due geçirdi.
«PSŽ» soňky gezek çempionlygy 2020/2021 möwsüminde elden gidiripdi. Şol wagt «Lill» çempion bolupdy, parižliler bolsa ikinji orny eýeläpdi.
Belläp geçsek, «PSŽ» Fransiýanyň Liga 1-inde iň köp çempion bolan klub hökmünde rekordyny saklaýar. Paýtagtyň kluby 12 gezek ýurduň çempiony boldy. Bu görkeziji boýunça ikinji orunda 10 gezek çempion bolan «Sent-Etýen» durýar.
