Neuralink kompaniýasynyň ýolbaşçysy Ilon Mask kompaniýanyň neýroimplantlar boýunça synag maksatnamasynyň bütin dünýä boýunça giňeldilendigini mälim etdi. Indi islendik ýurtdan kwadriplegiýaly adamlar «beýni-kompýuter» interfeýsiniň synaglaryna gatnaşmak üçin ýüz tutup bilerler.
Kwadriplegiýa (tetraplegiýa) – bu el-aýagyň (dört synanyň) we göwräniň bölekleýin ýa-da doly işlemeýän agyr ýagdaýydyr.
Kompaniýa neýrointerfeýs tehnologiýasyny has-da kämilleşdirip, hereketi çäkli adamlara sanly dünýä bilen täsirleşmekde täze mümkinçilikler döretmegi maksat edinýär. Synaglara gatnaşmak isleýänler Neuralink-iň resmi web sahypasy arkaly ýüz tutup bilerler.
Maskyň habaryndan soň, köp sanly ulanyjylar Neuralink-iň Parkinson kesellilere, şizofreniýalylara we beýleki kesellilere hem kömek edip biljekdigini ýa-da edip bilmejekdigini soradylar.
