«Ýyldyz söweşlerinden» Çubakkanyň arbaleti 768 müň dollara satyldy

  • 04.04.2025 17:04
  • 7.5k+

Asyl «Ýyldyz söweşleri» (Звёздные войны) trilogiýasyndaky Çubakkanyň arbaleti auksionda 768 müň dollara satyldy. Söwda bäsleşigini Propstore kompaniýasy gurnady diýip, «Variety» neşiri habar berýär.

Bu arbalet «Täze umyt» (Новая надежда), «Imperiýanyň jogap urgusy» (Империя наносит ответный удар) we «Jedaýyň gaýdyp gelmegi» (Возвращение джедая) filmlerinde ulanylypdy. Ol 300 müňden 600 müň dollar aralygynda bahalandyrylypdy, emma auksionda bahasy ýokarlandy. Satyn alanyň ady mälim edilmeýär.
Umuman, auksiona 450 sany zat çykaryldy. Mysal üçin, «Arwah awçylary» (Охотники за привидениями) filmindäki arwah tutujy 327,6 müň dollara satyldy. Arnold Şwarseneggeriň filmindäki Konanyň gylyjy we sahna arkasyndaky dört surat 176,4 müň dollara satyldy.
Maýkl Kitonyň «Betmen gaýdyp gelýär» (Бэтмен возвращается) filmindäki lybasy 157,5 müň dollara satyldy. «Garry Potter we Ýarymgan şazada» (Гарри Поттер и Принц-полукровка) filmindäki Damldoryň mantiýasy 81,9 müň dollara satyldy. Tom Kruzyň «Top Gan» (Топ Ган) filmindäki meşhur bomber kurtkasy we Waýnona Raýderiň «Pyçak elli Edward» (Эдвард Руки-ножницы) filmindäki köýnegi degişlilikde 81,9 müň we 15 müň dollara satyldy.


düýn 15:15
2k+

Disney “Haýwanlar şäheri 2” multfilminiň doly derejeli treýlerini çykardy

Disney kompaniýasy “Haýwanlar şäheri 2” (Зверополис 2) multfilminiň giňeldilen treýlerini çykardy. Wideo CinemaCon 2025 sergisindäki tanyşdyrylyşdan soň hödürlendi. Ilkinji tizer bilen studiýa ýazda paýlaşypdy...

01.08.2025 18:19
10k+

Aktýor Mett Deýmon we erudit Ken Jennings «Kim millioner bolmak isleýär?» gepleşiginde 1 mln dollar utdy

Amerikaly aktýor Mett Deýmon ("Bornuň şahsyýetini anyklamak" («Идентификация Борна»), "Marsly" («Марсианин»)) we erudit, "Jeopardy!" telewiktorinasynyň çempiony Ken Jennings "Kim millioner bolmak isleýär?" atly teleşüweleňinde ýeňiş gazandylar...

31.07.2025 21:07
12k+

“Tagtlaryň oýnunyň” ýyldyzy ýerden agyrlyk götermekde dünýä rekordyny goýdy – 505 kg

“Tagtlaryň oýny” serialynda jenap Grigor “Dag” Kliganyň keşbini ýerine ýetiren Haftor Ýulius Býornsson ýerden agyrlyk götermekde täze dünýä rekordyny goýdy. Bu barada BarBend habar berýär. Germaniýada geçirilen Eisenhart Black Competition ýaryşynda islandiýaly türgen 505 kg agramly ştangany göterdi...

31.07.2025 14:31
1.6k+

Jeýms Kemeron “Awatar” älemi boýunça multserial döretmekçidigini aýtdy

Režissýor Jeýms Kemeron Empire bilen söhbetdeşlikde “Awatar” älemi boýunça animasion taslama döretmekçidigini aýtdy. Onuň sözlerine görä, ol eýýäm bu pikiri Disney-iň ýolbaşçylygy bilen maslahatlaşdy. “Men animasion serial-antologiýa döretmek isleýändigimi aýtdym” – diýip, Kemeron gürrüň berdi...