Angliýanyň “Çelsi” futbol kluby hasabat döwrüniň gutarmagyna iki gün galanda öz zenanlar toparyny Blueco 22 Midco Ltd baş kompaniýasyna satdy. Bu hem kluba 2023/2024 möwsümi üçin 129,6 mln funt sterling möçberde arassa girdeji barada hasabat bermäge mümkinçilik berdi.
The Times-yň maglumatlaryna görä, UEFA bu şertnamany düzgün bozma hökmünde kabul edip biler, sebäbi ol guramanyň golçur kompaniýalara aktiwleri satmakdan gazanylan girdejileri hasaba almagy gadagan edýän maliýe düzgünlerini bozýar. Şol bir wagtyň özünde, Angliýanyň premýer-ligasynyň düzgünleri şeýle amallara ýol berýär.
29 tapgyrdan soň “Çelsi” 49 utuk gazanyp, Angliýanyň çempionatynda dördünji orny eýeleýär. Topar üçünji orunda gelýän “Nottingem Forrest” klubundan bäş utuk yza galýar.
