Chanel brendi Chance seriýasynda täze bir hoşboý ysy – Eau Splendide-i hödürledi. Bu seriýada bäşinji hoşboý ys we Simona Kattaneonyň ýolbaşçylygynda birinji atyrdyr diýip, WWD habar berýär.
Kattaneo geçen ýylyň sentýabr aýynda brendiň kosmetika we parfýumeriýa liniýasyna ýolbaşçy boldy.
“Formulany özümiz işläp taýýarlaýarys we düzüme gözegçilik edýäris. Chanel jasminiň we bägüliň köp bölegini Grassdaky öz meýdanlarynda ösdürip ýetişdirýär” – diýip, ol belledi we üpjünçilik zynjyryna şeýle doly gözegçiligiň parfýumeriýa pudagy üçin häsiýetli däldigini sözüniň üstüne goşdy.
Eau Splendide-i döretmek bilen brendiň içki parfýumeri Oliwýe Polž meşgullandy. Hoşboý ysyň satuwy 15-nji aprele meýilleşdirilýär.
