Disney-iň Reýçel Zegler we Gal Gadot bilen surata düşüren «Garpamyk» (Белоснежка) filminiň remeýki 21-nji martda prokata çykdy we tomaşaçylardan gaty pes baha aldy. Dünýäniň iň uly kino portaly IMDb-de bu filmiň reýtingi 28-nji marta çenli bary-ýogy 1,6 bal boldy (10 baldan).
Bu netijesi bilen «Garpamyk», tehniki taýdan IMDb ulanyjylarynyň pikirine görä, kino taryhyndaky iň ýaramaz 10 filmiň sanawynyň sekizinji ornuna ýerleşmeli. Emma film entek bu sanawa resmi taýdan girizilmedi. IMDb-niň administrasiýasynyň filmiň sanawa girizilmegini saklaýandygy çaklanylýar. Munuň sebäbi bolsa, ulanyjylaryň köpçülikleýin pes baha bermegi (rewýu-bombing) bilen baglanyşykly bolup biler.
IMDb ulanyjylarynyň pikirine görä, kino taryhyndaky iň erbet filmler:
- «Smolensk» (Смоленск, 2016) — 1,2 bal
- «Gözbagçy Daniel» (Волшебник Даниэль, 2004) — 1,2 bal
- «Roždestwony halas ediş» (Спасти Рождество, 2014) — 1,3 bal
- «Gije supermarketde» (Ночь в супермаркете, 2012) — 1,3 bal
- «Dünýäni halas eden adamyň ogly» (Сын человека, который спас Мир, 2006) — 1,5 bal
- «Elk*rtuk» (2015) — 1,5 bal
- «Superçagalar: Wunderkindler 2» (Супердетки: Вундеркинды 2, 2004) — 1,5 bal
- «Garpamyk» (Белоснежка, 2025) — 1,6 bal
- «Şokoladly saryýagyz» (Блондинка в шоколаде, 2006) — 1,7 bal
- «Manos: Ykbal elleri» (Манос: Руки судьбы, 1966) — 1,7 bal.
