Samsung kompaniýasy oýun oýnamak üçin niýetlenen «Odyssey 3D» monitoryny hödürledi. Bu monitor gözüň hereketlerini yzarlaýan ýörite tehnologiýanyň hem-de lentikulýar linzalaryň kömegi bilen, hiç hili ýörite äýnek dakylmazdan üç ölçegli şekilleri döredip bilýär.
Monitor 27 dýumlyk 4K durulykdaky displeýe eýe bolup, 165 Gs täzeleniş ýygylygynda işleýär. 3D mazmun üçin «Reality Hub» atly ýörite programmany ulanmak maslahat berilýär. Bu programma käbir oýunlary we wideolary üç ölçegli formata öwürmäge mümkinçilik berýär.
Şeýle-de Samsung täzelenen Odyssey G8 we G9 monitorlaryny hem görkezdi.
Odyssey G8 modeli 27 ýa-da 32 dýuýmlyk QD-OLED ekran bilen üpjün edilip, 4K durulykda we 240 Gs täzeleniş ýygylygynda işleýär.
Odyssey G9 bolsa 49 dýuýmlyk egri ekranly bolup, iki esse QHD durulykda we 144 Gs täzeleniş ýygylygynda işleýär.
Samsung mundan ozal dünýäde ilkinji 500 Gs täzeleniş ýygylygy bolan QD-OLED monitoryny hem tanyşdyrypdy.
