2024-nji ýylda Xiaomi kompaniýasy SU7 modeliniň mart aýynda hödürlenendigine garamazdan, Ford we General Motors ýaly amerikan kompaniýalaryndan köp elektromobil satmagy başardy. Bu barada CCN habar berýär.
Elektronika öndürijisi hökmünde özüni tanadan we awtomobil bazaryna ýaňy çykan kompaniýa ýylyň jemi boýunça 136 854 ulag satdy.
Ford-yň elektromobilleriniň global satuwy 97 000-den gowrak boldy, GM bolsa 114 400-den gowrak awtoulag satdy. Şol bir wagtyň özünde, SU7 diňe Hytaýda satyldy, ýöne ýerli awtoulag bazarynyň göwrümi boýunça ABŞ bilen Ýewropanyň bazarlaryny bilelikde alanyň bilen deňleşip bilýändigini bellemek gerek.
Hytaýda elektromobilleriň meşhurlygy artýar we ýerli brendler öz ornuny berkidýär. Şonuň üçin hytaý öndürijilerine ýokary satuw görkezijilerini gazanmak üçin, daşary bazara çykmagyň zerurlygy ýok.
Şonuň bilen bir wagtda amerikan kompaniýalary Hytaýda ornuny ýitirýär. Ford sekiz ýyldan ýedi ýylyň içinde satuwyň peselendigini görkezýär. Şeýle-de, Tesla islegiň pese gaçmagy bilen ýüzbe-ýüz boldy – şu ýylyň fewral aýynda kompaniýa Hytaýda 30 688 elektromobil satdy, bu hem 2022-nji ýylyň iýul aýyndan bäri iň erbet görkeziji boldy.
Analitikler Ford, GM we Chrysler (Stellantis-e girýär) kompaniýalary ýitgileri azaltmak üçin hytaý bazaryndan gitmeli bolar diýip hasaplaýar.
