“Garpamyk” kinoremeýki ilkinji dynç günleri ABŞ-da bary-ýogy 44,3 mln dollar gazandy. Bu Disney-iň ähli oýun remeýkleriniň arasynda iň ýaramaz görkezijidir diýip, Variety habar berýär.
Dünýäde film 87,3 mln dollar ýygnady.
Deňeşdirmek üçin, 2019-njy ýylyň şowly bolmadyk “Dambo” filmi prokata 45 mln dollar bilen başlady. “Garpamygyň” býujeti 250 mln dollar boldy we muny ödemek üçin ol azyndan 500 mln dollar gazanmaly. Bilermenler bu mukdara ýetmegiň diýseň kyn boljakdygyny belleýär.
Filmde esasy rollaryň birini Reýçel Zegler ýerine ýetirdi, baş zalym aýaly bolsa Gal Gadot oýnady. Režissýor hökmünde “Tomsuň 500 güni” bilen belli bolan Mark Uebb çykyş etdi.
Film Garpamyk we ýedi girdenek baradaky hekaýanyň häzirkizaman görnüşidir. Bellenilişi ýaly, tankytçylaryň synlary we kasting bilen bagly jedeller tomaşaçylaryň gyzyklanmasyny peseltdi.
Prokatyň bir hepdesinde girdeji 100 mln dollara-da ýetmedi, bu bolsa analitikleriň garaşanyndan has pesdir. Şeýle girdeji bilen film soňky ýyllarda Disney-iň iň şowsuz taslamasy bolup biler. Tomaşaçylaryň gyzyklanmasy hem pese gaçmagyny dowam etdirse gerek, bu bolsa býujeti ödemek ähtimallygyny peseldýär.
