Nvidia kompaniýasy umumy üpjünçiligiň peselendigine garamazdan, wideokarta bazaryndaky paýyny artdyrdy. «Jon Peddie Research» gözleg firmasynyň maglumatlaryna görä, 2024-nji ýylyň üçünji çärýeginde kompaniýa OEM hyzmatdaşlarynyň arasynda diskret grafiki prosessorlar bazarynyň 90%-ine eýe boldy.
«Technetbooks-yň» habaryna görä, Nvidia 2024-nji ýylyň ikinji çärýegi bilen deňeşdirilende bazardaky paýyny 2% artdyrdy.
Analitikleriň bellemegine görä, adatça, üçünji çärýekde üpjünçilik artýan bolsa-da, 2024-nji ýylyň üçünji çärýeginde ol 14,5% azaldy – ikinji çärýekde 9,5 million enjam satylan bolsa, üçünji çärýekde bu görkeziji 8,1 milliona çenli düşdi. Munuň sebäbi möwsümleýin üýtgeşmeler we harytlaryň köpdügine garamazdan, islegiň pes bolmagydyr.
Merkezi prosessor bazaryndaky ýagdaý bolsa başgaça boldy. Üçünji çärýekde 20,1 million prosessor satyldy – bu bolsa öňki çärýek bilen deňeşdirilende 42,2% köpdür. Şeýle-de bolsa, ýyllyk görkezijiler boýunça 3,4% azalma bellige alyndy.
Bu üýtgeşmeleriň fonunda AMD we Intel grafiki prosessor bazaryndaky ornuny gowşatdy, Nvidia bolsa liderligini güýçlendirdi.
