Tesla Sentry Mode-a täze funksiýany girizip, awtoulagynyň wandallara (ulaga çyzmak, döwmek ýaly dürli zyýanlary ýetirmek isleýänlere) garşy howpsuzlygyny güýçlendirýär. Indi howp abananda ulgam duýduryşy işledip, ekranyň ýagtylygyny ýokarlandyrar we iň gaty ses bilen saz goýberer.
Bu çäre, esasanam, brendiň ulaglaryna edilýän hüjümleriň soňky döwürde köpelmegi sebäpli, wandallardan goşmaça goragy üpjün eder. Sentry Mode gözegçiliksiz galdyrylan ulagyň töwereginde bolup geçýän wakalary ýazga alýar. Kompaniýa şübheli hereketler ýüze çykan dessine howpsuzlyk ulgamynyň işläp başlaýandygyny, wideony daşarky maglumat göterijide saklaýandygyny, eýesine habar ýetirýändigini we ötegçileriň ünsüni özüne çekýändigini nygtaýar.
Täzeligiň aýratynlygy Cybertruck - Superhorn-da oturdylan güýçli “superrogy” goşmak bilen, daşarky ses ulgamyny ulanýandygyndan ybaratdyr. Ol gaty we çirkin sesleri çykarmaga ukyply.
Täzelenme barada ilkinji gezek Cybertruck-iň resmi sahypasynda agzaldy. Bu funksiýanyň beýleki modellerde peýda boljagy-bolmajagy entek belli däl, ýöne programma üpjünçiliginiň arhitekturasy muňa ygtyýar berýär. Täze funksiýa 2025.8 täzelenmesinde entek elýeterli däl, ýöne geljekki wersiýasynda peýda bolup biler.
