Nissan-yň Awstraliýadaky şahamçasy uly sepgide ýetdi – şu güne çenli ýurtda jemi 250 müň sany «Patrol» ulagy satyldy. Bu model off-road janköýerleriniň arasyndaky meşhurlygyny henizem dowam etdirýär.
«Patrol» ilkinji gezek 1961-nji ýylda bazara çykaryldy. Ulagyň iň uly artykmaçlygy – onuň berk we ygtybarly bolmagy. Ulag awstraliýaly müşderileriň söýgüsini şeýdip gazandy. Köp adam ony «Toyota Land Cruiser» bilen deňeýär. Platformasynyň (Y62) könedigine garamazdan, bu model 2024-nji ýylda satuwy boýunça rekord goýdy – jemi 8 müň 293 sanysy satyldy.
«Patrol-yň» häzirki görnüşi V8 hereketlendiriji bilen üpjün edilýär. Alyjylara giňişleýin kepillik hödürlenilýär – 10 ýyl ýa-da 300 müň kilometr ýol geçýänçä. Bu model aýratyn hem çydamlylygy we islendik ýolda ýöräp geçiş ukyby bilen ýokary baha alýar.
Geljek ýyllarda Awstraliýada täze nesil – «Patrol Y63» satuwa çykarylar. Bu model eýýäm beýleki sebitlerde elýeterli.
