NASA-nyň astronawtlary Barri Uilmor bilen Sunita Uilýams 10 günden bolmaly halyna dokuz aýa çenli dowam eden Halkara kosmos stansiýasynda iş sapary üçin iş wagtyndan artyk iş üçin töleg almaz. Orbitada geçirilen 286 gün üçin olar zähmet hakyna goşundy hökmünde bary-ýogy $1430 alar – bu “göz öňünde tutulmadyk çykdajylar” üçin her güne 5 dollardan düşýär diýip, The New York Times belleýär.
Döwlet gullukçylary hökmünde, olaryň ýylda, takmynan, $152 258 möçberde kesgitlenen zähmet haky bar.
Uilmor bilen Uilýams 2024-nji ýylyň 5-nji iýunynda Boeing Starliner gämisinde ýola düşdi. Bu gäminiň ekipažly ilkinji synag uçuşy boldy. Bäş hereketlendirijiniň işlemegini bes etmegi we geliniň syzmagy sebäpli NASA olary bu gämide yzyna gaýtarmaga töwekgelçilik etmedi. Astronawtlar stansiýada galdy.
Ýakynda olar Ýere gaýdyp geldi. Gonuşdan soň olar lukmançylyk nosilkasynda äkidildi: agramsyzlyk sebäpli olar süňk we myşsa massasyny ýitirdi. Olar interwýuda HKS-de bolmagyň ýarandygyny aýtsalar-da, töwekgelçilik we sabyr-kanagat üçin $1430 möçberde goşundy diýseň ujypsyz mukdar bolup görünýär.
