ABŞ-nyň Miçigan ştatyndan bir zenan maşgala «Wild Cherry» tiz lotereýasyndan 1 million dollar utdy. Onuň bu uly baýragy gazanmagyna ilkibaşda almak islän lotoreýa bilediniň gutaryp, oňa derek başga bir lotoreýanyň biledini almagy sebäp boldy diýip, «UPI» habar berýär.
Zenan maşgala aslynda ýerli dükanlaryň birine başga bir lotereýanyň biledini satyn almak üçin barýar. Emma onuň diýýän lotoreýasynyň biletleriniň hemmesi eýýäm satylan eken. Şonuň üçinem ol başga bir lotereýanyň biledini satyn alýar we utýar. Ýeňiji ilkibaşda özüne 10 müň dollar utandyr öýdüpdir. Dükanyň satyjysy oňa hakykatda näçe gazanandygyny düşündiripdir.
Täze millioner gazanan pullarynyň bir bölegine öý satyn almagy, galanyny bolsa tygşytlamagy meýilleşdirýär.
