Tokioda geçirilen Olimpiýa oýunlarynyň bürünç baýragynyň eýesi kanadaly Ewan Danfi 35 km aralyga sport ýörişinde täze dünýä rekordyny goýdy. Slowakiýanyň Dudinse şäherinde geçirilen ýaryşda ol bu aralygy 2:21.40 wagt bilen tamamlady.
Kanadaly öňki rekordy ýedi sekunt aratapawut bilen täzeledi. Ol ýaponiýaly Masanori Kawano degişli bolup, 2024-nji ýylyň oktýabrynda Takahatada geçirilen milli çempionatda goýlupdy.
Indi Danfiniň rekordy Bütindünýä Ýeňil atletika assosiasiýasy (World Athletics) tarapyndan tassyklanmalydyr.
34 ýaşly Ewan Danfi Tokioda geçirilen Olimpiýa oýunlarynyň (50 km) hem-de 2019-njy ýyldaky dünýä çempionatynyň (50 km) bürünç medallarynyň eýesidir.
