Space Camper amerikan kompaniýasy Tesla Cybertruck-yň kuzowy üçin ýörite Cap modulyny işläp taýýarlady. Bu modul pikaby köpugurly kempere öwürýär diýip, «Carscoops» neşiri habar berýär.
Adaty görnüşde modul ýönekeý kunga meňzeýär, emma eger ol goşmaça enjamlar bilen enjamlaşdyrylsa, tekerleriň üstündäki öýe ýa-da iş üçin amatly furgona öwrülýär. Onuň içinde ýatmak üçin ýer, duş we açyk asmanyň astynda kino görmek üçin proýektor hem bar.
Ulagyň beýikligi 13 sm artýar, şeýle-de üçegiň aşagyndaky boşluk bolsa 1 metre ýetýär. Cap modulynyň agramy 77 kg, bu bolsa Cybertruck-yň ýol ätiýaçlygyny agramy we aerodinamika sebäpli 4-9% azaldýar.
Üstki gurluşy 300 kg-a çenli ýüki göterýär, şol sebäpdenem onuň üstünde çadyr gurmak hem mümkin. Space Camper açylyp-ýapylýan tentleri, düşekçeleri, tekjeleri, saklaýyş ulgamlaryny we media enjamlaryny hödürleýär. Iş maksatly ulanmak üçin ýörite relsleri we berkidijileri hem goşmak mümkin.
Täzeden enjamlaşdyrmagyň bahasy 6385 dollardan başlaýar.
