Tesla ABŞ-da nusgawy Model Y ulagynyň önümçiligini resmi taýdan togtadyp, ony saýtda onlaýn konfiguratordan aýyrdy. Indi alyjylara diňe Juniper kod ady bilen täzelenen wersiýa elýeterlidir.
Bu ädim bazary üýtgeden modeliň taryhyny soňlaýar: JATO Dynamics-iň maglumatlaryna görä, Model Y 2023-nji we 2024-nji ýyllarda Toyota Corolla bilen RAV4-den öňe geçip, dünýäde iň köp satylan ulag boldy.
Ol elektromobilleriň ösüşini güýçlendirip, bäsdeşleri şeýle ulaglary taýýarlamakda tijenmäge iterdi.
Täzelenen Model Y akgynly sürüş üçin kämilleşdirilen asgyja (podweska), gaýtadan işlenen interýere we rahatlyga gönükdirilen täze tehnologiýalara eýe boldy.
Önümçilik tamamlanan bolsa-da, nusgawy wersiýanyň galyndylaryny dilerlerde tapmak bolýar. Şol bir wagtyň özünde, bazara gatnaşyjylary modeliň täzelenen wersiýasynyň özünden öňkiniň üstünligini gaýtalap biljekdigi ýa-da ýokdugy gyzyklandyrýar.
