Starbucks üstüne gyzgyn çaý dökülip, ýanyk şikes alan eltip berijisi (kurýer) Maýkl Garsia 50 mln dollar öwez tölegini tölemäge borçly edildi. Degişli karary Kaliforniýada kazyýeti çykardy. Çaý bulgurynyň gapagynyň gowşak ýapylmagy kazyýet arzasyna sebäp boldy diýip, CNN habar berýär.
Garsia Kaliforniýanyň Ýokary kazyýetine 2020-nji ýylda şikaýat arzasyny berdi.
Şikaýatçynyň aklawçysy Maýkl Parker Garsianyň sargydy kabul edip alan wagty bulgurlaryň biriniň gapagynyň doly ýapylmandygyny we üstüne dökülendigini aýtdy. Gyzgyn çaý onuň dyzyny ýakypdyr. Netijede, ol “düýpli fiziki agyryny, ruhy hasraty, kemsitmäni, betbagtlygy, gaýgyny, fiziki bozulmany, aladany we emosional kynçylyklary başdan geçirdi, şeýle-de durmuşyň şatlygyny ýitirdi” diýlip, hökümiň tekstinde aýdylýar.
Starbucks bu karar bilen ylalaşmady we şeýle möçberdäki öwez tölegini aşa köp diýip hasaplaýar. Kompaniýa kazyýetiň çözgüdine garşy çykmagy göz öňünde tutýar.
