Gonkongda Asian Film Awards 2025 baýragynyň 18-nji gowşurylyş dabarasy geçirildi. Bu baýrak, köplenç, “Aziýa Oskary” diýlip atlandyrylýar. Ýylyň iň gowy filmi režissýor Paýal Kapadianyň “Bize yşyk bolup görünýän zatlaryň barysy” (Все, что нам кажется светом) hindi dramasy boldy. Bu barada Variety habar berýär.
Bu filmiň premýerasy Kann kinofestiwalynda boldy we şol ýerde Gran-prini aldy.
Iň gowy ssenariý üçin baýragy eýranly Mohammad Rasulofyň “Mukaddes injiriň tohumy” (Семя священного инжира) filmi aldy. Bu film Kannyň esasy meýilnamasyna-da girdi.
“Eksgumasiýa” (Exhuma) koreý horrory egin-eşik dizaýny we effekt dizaýny üçin baýraklara mynasyp boldy. Film 93,9 mln dollar gazanyp, Günorta Koreýanyň taryhynda iň girdejili elhençlik filmi boldy.
Aziýa kinosyna goşan goşandy üçin ýörite baýragy “Gitmek karary” (Решение уйти) filmi bilen tanalýan hytaýly aktrisa Tan Weý, şeýle-de koreýaly aktýor Çan Don-gon aldy. Wim Wendersiň “Iň ajap günler” (Идеальные дни) filminden aktýor Kodzi Ýakusýo durmuşda gazanan üstünlikleri üçin heýkele mynasyp boldy.
