Apple iPhone ulanyjylarynyň ählisini gyssagly iOS-yny täzelemäge çagyrdy

  • 17.03.2025 11:24
  • 3.2k+

Apple kompaniýasy iOS 18-iň irki wersiýalaryndan düýpli kemçiligiň tapylandygy sebäpli, 1,4 milliard iPhone ulanyjysyny iOS-y gyssagly iň soňky wersiýasyna – 18.3.2-ä täzelemäge çagyrdy diýip, «Forbes» neşiri habar berýär.

«CVE-2025-24201» diýlip atlandyrylýan bu kemçilik Safari brauzeriniň Webkit motorynda ýüze çykaryldy. Bu kemçilik arkaly kiberjenaýatçylar galp sahypalary döredip, ulanyjylaryň şahsy maglumatlaryny ogurlap bilerler.
Apple bu howpsuzlyk meselesiniň iPhone XS we ondan soňky modelleri ulanýanlary öz içine alýandygyny belledi. Şeýle-de kompaniýanyň pikirine görä, bu kemçiligiň ähli ulanyjylara däl-de, diňe belli bir topara gönükdirilen bolmagy ähtimal.
iOS 18.3.2 täzelenmesinde bu howpsuzlyk kemçiliginden başga-da, akymly mazmuny (streaming) gaýtadan işlemek bilen baglanyşykly säwlik hem düzedildi. Täzelenmäni ýükläp almak üçin, «Sazlamalar» (Настройки) bölümine girip, yzygiderlilikde «Esasy» (Основные) we «Programma üpjünçiligini täzelemek» (Обновление ПО) opsiýalaryny saýlamaly.


düýn 11:28
931

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

düýn 11:03
1.8k+

Apple-iň döredilmegi baradaky hakyky şertnama auksionda satylar, ol $4 mln diýlip bahalandyrylýar

1976-njy ýylda Apple Computer Company kompaniýasynyň döredilmegine getiren hakyky esaslandyryjy şertnama auksiona çykarylar. Resminama 4 mln dollar töweregi mukdara satylar diýlip garaşylýar. Christie's auksion öýi ony 2026-njy ýylyň 23-nji ýanwarynda satuwa çykarar...

27.11.2025 11:04
3.3k+

Internete arzan iPhone 17e-niň häsiýetnamasy ýaýradyldy: kesiksiz, Dynamic Island-ly

2026-njy ýylyň ýazynda 17-nji hataryň iň arzan aýfony bolan iPhone 17e-niň çykmagyna garaşylýar. Pudagyň seljerijisi Jeff Pu eýýäm smartfonyň nähili boljakdygyny anyklady. Onuň sözlerine görä, täzelenme düýpli bolar...

23.11.2025 20:58
4.5k+

iPhone Air-iň baş dizaýneri Apple-den gitdi

Senagat dizaýneri Abidur Çoudhuri Apple kompaniýasyndan gitdi. Ol kompaniýanyň iň soňky modelleriniň biri bolan iPhone Air-iň esasy işläp düzüjisi bolupdy diýip, 9to5mac çeşmelerine salgylanyp habar berýär. Habar beriş serişdeleriniň maglumatlaryna görä, Çoudhuri emeli aň tehnologiýalarynyň üstünde işleýän bir startapa (ýa-da başlangyja) işe girdi...