Söwda möçberi boýunça iň uly kriptobirža bolan Binance Abu-Dabiniň MGX döwlet maýa goýum gaznasyndan 2 mlrd dollar çekdi. Bu kriptowalýuta kompaniýalarynyň taryhynda rekord şertnamadyr.
Serişdeler steýblkoinlerde kabul edildi, ýöne olaryň görnüşi mälim edilmeýär.
MGX ilkinji gezek kriptowalýutalara we blokçeýne maýa goýmak bilen, Binance-de uly bolmadyk paýa eýe bolar. Biržanyň maglumatlaryna görä, bu onuň ilkinji institusional şertnamasydyr.
Binance BAE-de ornuny giňeltmegi dowam etdirýär, bu ýerde kompaniýanyň müňe golaý işgäri işleýär. Kriptobiržanyň maglumatlaryna görä, onuň 260 mln ulanyjysy bar, umumy söwda möçberi bolsa 100 trln dollardan geçýär.
Binance-iň ýolbaşçysy Riçard Teng bu şertnamany kompaniýa we bazar üçin “möhüm waka” diýip atlandyrdy. MGX-iň ýolbaşçysy Ahmeý Ýahýa gaznanyň blokçeýn pudagynda geljegi görýändigini belledi.
