Ilon Mask Marsa ilkinji Starship missiýasynyň 2026-njy ýylyň ahyrynda bolup biljekdigini habar berdi. Gäminiň bortunda Tesla kompaniýasynyň Optimus roboty bolar.
“Indiki ýylyň ahyrynda Starship bortunda Optimus roboty bilen Marsa ugrar” – diýip, SpaceX-iň ýolbaşçysy aýtdy.
Öň KHBS Optimusly missiýanyň 2026-njy ýylyň noýabrynda boljakdygyny habar beripdi. Ähtimal, indi ony dekabra geçirmek göz öňünde tutulýan bolsa gerek.
Üstünlikli uçuş adamzady Marsa gonmaga ýakynlaşdyrar. Maskyň aýtmagyna görä, ilkinji ekipažly missiýalar 2029-njy ýylda başlap biler.
“Eger bu gonuş üstünlikli bolsa, onda adamlaryň gonmagy eýýäm 2029-njy ýylda bolup biler, ýöne has ähtimal sene – 2031-nji ýyl” – diýip, milliarder belledi.
SpaceX kompaniýasy Starship kosmos gämisini synagdan geçirmegi dowam etdirýär. Birinji basgançak Ýere eýýäm birnäçe gezek üstünlikli gaýdyp geldi, ýöne gäminiň özi soňky iki synagda ýaryldy.
