Samsung kompaniýasy sport ýaýlymlary, aýratynam, basketbol oýunlary üçin döredilen Buzzer Beater Bundle telewizorlar toplumyny hödürledi. Topluma diagonaly 55 dýuýmdan 98 dýuýma çenli bolan sekiz model girýär diýip, Sammobile habar berýär.
Kompaniýada bellenilişi ýaly, toplum bir wagtda sekiz kanal boýunça günde 32 oýny görkezmäge mümkinçilik berýär. Her ekran aýratyn oýny görkezip biler, Multi View tehnologiýasy bolsa displeýleri bölmäge mümkinçilik berip, 8 telewizory 16 ýa-da 32 ekrana öwrer.
Toplumyň düzümine girýär:
- ·4K durulyk bilen bir 98 dýuýmlyk Crystal UHD (DU9000),
- ·8K durulyk bilen bir 65 dýuýmlyk Neo QLED (QN900D),
- ·4K durulyk bilen üç 65 dýuýmlyk Neo QLED (QN85D),
- ·4K durulyk bilen üç 55 dýuýmlyk QLED (Q70D).
Samsung tomaşa etmegiň has rahat bolmagy üçin telewizorlary bellibir tertipde ýerleşdirmegi maslahat berýär.
Toplumyň bahasy 10 300 dollara barabar. Bu telewizorlaryň hersini aýratyn satyn alanyňdan 5 700 dollar arzandyr.
