AgiBot hytaý tehnologik kompaniýasy täze nesil adam şekilli (gumanoid) roboty bolan Lingxi X2-ni tanyşdyrdy. Sensorlaryň we algoritmleriň utgaşdyrylmagy netijesinde, ol diňe bir ylgamak, basgançaklardan çykmak we düşmek bilen çäklenmän, eýsem welosiped sürmegi hem başarýar diýip, «Interesting Engineering» neşiri habar berýär.
Lingxi X2 emeli aňyň we robotehnikanyň iň täze tehnologiýalaryny özünde jemleýär. Şonuň netijesinde, ol zatlary elinde ygtybarly tutmak, bankalaryň gapaklaryny açmak, dermanlaryň görkezmesini okamak ýaly çylşyrymly işleri ýerine ýetirip bilýär.
Bu robot daşky gurşaw bilen täsirleşmek üçin multimodally modelden peýdalanýar, ol adamyň ýüzündäki mimikalara we sesdäki äheňlere reaksiýa berip bilýär. Munuň netijesinde, ol adamlaryň emosional ýagdaýyny kesgitläp, oňa laýyk jogap bermegi başarýar.
Lingxi X2-niň beýikligi 130 santimetr, agramy bolsa 33,8 kilogram.
